z'Marijoosi

Aus dem Album WALLISER BALLADEN 1

Hier erhältlich

 

Z’MARIJOOSI                                                

                                                    

Z’Marijoosi ischdd as ganz liebs Fröwwi gsii. Schiis Mannji hedd gäru ka as Ddrobbfji Wii.

Z’Marijoosi hedd as härzigs Büebi giboru. Am negschddu Ddagg heddz z’Büebi schoo värlooru.

Z’Marijoosisch Mannji hedd miessu flännu, z’Marijosi hedd schich nidd vam Büebi wellu ddrännu.

Abr dr Pfarrer hedd gsejdd, wer an Ängil welle wärdu, miesse schiini Karrieera afaa unner dr Ärdu.

Dr Pfarrer hedd „dies irae, dies illa“ gsungu undd gsejdd: „Dii Bigräbnis ischdd mier ganz güedd glungu.“

Z’Marijoosi hedd jahrilang Drüür giddrejdd undd hedd nimme chännu lachu bi soovill Lejdd.

Z’Marijoosi hedd nie a Flejga zärddäddschdd.

Z’Marijoosi hedd nie midd andre Wiiber gräddschdd.

Z’Marijoosi hedd nie a Chäfer zärddräddu.

Z’Marijoosi ischdd nidd amaal im ejgundu Gaarddu ga Uchrüdd jäddu.

 

Refrain

Z’Marijoosi hedd fa de a niemee glachdd, hedd Ddagg undd Nachdd am Grabb gwachdd undd dum Herrgodd goddlos dr Chobbf gmachdd.

Äs hedd dum Herrgodd offu gsejdd: “Du heschdd kejs Härz, undd darum hani jezzu a grooße Schmärz, undd i miine Chuddlä dri da gäärdds.”

Dr Herrgodd hedd agfangu brielu undd wellu a dr Wahrhejdd umananderfielu undd dum Marijoosi z’frächi Müül üsschbbielu. 

Aber z’Marijoosi hedd mu gsejdd: “Du müeschdd gar nidd

bbrubieru, i miinum Jammer umchaz’rieru. Ich ha do jezzu gaar nix me z’verlieru.“

Dum Marijoosi ischdd dr Giduldsfado grissu. Äs hedd dr Rosuchranz ufu Mischddhof gschmissu. Schdadd in d’Kircha z’gaa is inu Waldd ga chrissu.

Z’Marijosi hedd schich in d’Arbejdd greddodd, hedd jede Morgu d’Windle gigleddod, jede Abundd di lääri Wiaga igibeddodd. Äs hedd jede Morgu di chalddu Windle gigleddod, jede Abundd di lääri Wiaga igibeddodd.

 

 

original composition, lyrics, voice: Gottlieb GUNTERN, Brig,Valais, Switzerland

extended composition & arrangement: Beat JAGGY, Gamsen, Valais, Switzerland

accordeon: Stefan RUPPEN, Naters, Valais, Switzerland

hackbrett: Beat JAGGY, Gamsen, Valais, Switzerland

guitar: Stephan MARGELISCH, Brigerbad, Valais, Switzerland

keyboard: Stefan BREGY, Bern, Switzerland

bass: Gilbert JOSSEN "Speedy", Visp, Valais, Switzerland

drums: Peter HAAS, Zürich, Switzerland