Aus dem Album WALLISER BALLADEN 1
Hier erhältlich...
Der Text ist in der Oberwalliser Mundart geschrieben und enthält zum Teil Ausdrücke aus der alt- und mittelhochdeutschen Sprache. Die Schreibweise wurde von GG willkürlich so gewählt, dass sie die Klangmuster der gesprochenen Mundart möglichst getreu wiedergibt.
Strophe 1
Am a schddozigu Bärghang uberum grooßu Gleddscher da
schddejdd an aalddi Aarva.
A Blitzschlagg hedd ire Chobbf giddroffu. Iri Chroona ischdd a schwaarzi Larva.
Dii Aarva ischdd schoo ddüüsigjährig. Schii hedd, wejss Godd, a Hüüffo gseh,
hedd im Summer Hitz ärddrejdd undd Räägu undd im Windder furchddbari Chelddi undd ganz vill Schnee.
Der Schddejschlagg hedd scha schoo i junge Jahru gschbbaalddu.
Der Herrgodd hedd scha ddroddzdem am Läbu ärhaalddu.
Refrain 1
In ire Eschddu kehrdd schii immr wider di Ddannuhäher räddschu, ganz ddumms Ziig, dumms Ziig chnäddschu.
We d’Schddejbeck in der Brunschddziidd schddriddundd, kehrdd schii Heerner uffanander ddäddschu, ananander bbräddschu.
Unnär ire Eschddu ddiendd jungi Bburschdda bbaddeddisch enddhalddsami Liebi schweeru.
Da därgägu mües schich jedi Mejddja wie wildd midd Händd undd Fiesse weru.
Di aalddi Aarva wejss: Männdschä ddiendd vill redu, undd z’Mejschdda därfà chaschdd gladd värgäßu.
D’Wahrhejdd ischdd churz, d’Lugine sindd lang. Undd bejdi chaschdd midd kejnum Medderbandd mäßu.
Interlude
D’Wäldd ischdd so herrlich, we an Adler am blaawu Himml schiini Chrejsa ziehdd.
Är liegodd uf umu Warmlufdd-Chischschi undd wirdd bim Flejgu gar niidd miedd.
Va alle Chummu schüümundd wiissi Bäch, undd schii ggumbbundd niddschi voller Ubermüedd. Das ddüedd de Wasserddrobbfu güedd.
Schii bbrichddundd, d’Vierddüüsiger hejgi wallundi Bäärdd undd uf irum Chobff a wiissä Hüedd undd unurum Iisch ganz hejssus Blüedd.
Am Aarvuwaldd schddejdd jezz di Ziidd ganz schddill.
Der Walddschbbächdd mejsslodd niidd, värgissdd schiine Drill.
Der Gleddschr lieggodd im Middaggsschlaaf.
Unner a Schibbfa igibissodd hächlundd Schwaarznasu-Schaaf.
Di aalddi Aarva ddröjmdd fa värgangunu Ziiddu.
Schii dejchdd: “Was ischdd bloos loos midd denu Liddu?
Dii chännundd dier Ddaagg undd Nachdd schdriddu
undd därbie jedi Biziehigg ejfach z’Huddlo riiddu.
Strophe 2
Wie a Schbbilma schiini Handoorgala ddüedd di aalddi Aarva a Graniddflüeh ganz feschdd umarmu.
Schii schbildd a Melodii so wunderbar, sogaar d’Chnoche fa de aarmu Seele ddiendd ärwarmu.
Schii värgissdd di chejbo Jichddi i de Reuma-Chnubla fa
ihre alddu Glider.
Der Schmärz värgejdd so lang, wie d’Müüsig düürodd, undd de chundd är sofordd wider.
D’Murmunde loosundd züe, schii ddiendd nimme bbfiiffu.
In de Aarvuzäbbfe ddiendd ganz riewig Saame riiffu.
Refrain 2
Am Aabusitz bim Doorffu verzellund de d’Aarve anander, wie d’Liddjini scho immer hejgi glüodrodd undd bschissu.
A leedigi Meiddja hejgi in ara fiischddru Nachdd ihro flännundu Mämmi inu Bach dri gschmissu.
As Mannje hejgi näbund dum gliichu Bach schiinum Fröwwi ewigi Liebi gschworu,
undd de hejgis scha im Suff ärwirgdd undd uf irum Grab alli Blüeme la ärdoru.
Di aalddi Aarva wejss: D’Männdschä ddiendd vill redu, undd z’Mejschdda därfà chasch gladd värgäßu.
D’Wahrhejdd ischdd churz, d’Lugine sindd lang. Undd bejdi chaschdd midd kejnum Medderbandd mäßu.
Di aalddi Arva wejss: Männdschä ddiendd vill redu, undd z’Mejschdda därfa chasch gladd värgäßu.
D’Wahrhejdd ischdd churz, d’Lugine sindd lang. Undd bejdi chaschdd midd kejnum Medderbandd mäßu.
Credits
Ursprüngliche Komposition, Text, Gesang: Gottlieb GUNTERN, Brig,Valais, Schweiz
Erweiterte Komposition und Arrangement: Beat JAGGY, Gamsen,Valais, Schweiz
Back-up vocals: Rhonda DORSEY, Bern, Schweiz; recorded at Studio 19 by Chris MOSER, Bern, Schweiz
Violine: Didier FURRER, Bürchen, Valais, Schweiz
Guitarren: Stefan MARGELISCH, Brigerbad, Valais, Schweiz
Keyboards: Stefan BREGY, Bern, Schweiz
Bass: Gilbert "Speedy" JOSSEN, Visp, Valais, Schweiz
Drums: Peter HAAS, Zürich, Schweiz
Recording: Greenwood Studios — Alban FRÜH und Beat JAGGY (mixing), Glenn MILLER (mastering) — Nunningen, Basel-Land, Schweiz
Kommentar schreiben